Stefán Jóhann Stefánsson

Heimilisfaðir í Reykjavík, uppalinn á Ísafirði, hagfræðingur, stjórnmálafræðingur og áhugamaður um uppbyggilegar aðstæður fyrir mannlífið hvar sem er

Forsíða
Trúnaðarstörf
Menntun og störf
Um Stefán Jóhann

Nýlegir forsíðupistlar

 

Skrýtin setning:
„Menntun eru þau áhrif skólagöngunnar sem standa eftir þegar þú ert búinn að gleyma öllu því sem stóð í skólabókunum.“

 




 



 



 


Ný byrjun, 28. janúar 2012  - eftir nokkurt hlé:
Miklar annir hafa verið sums staðar

Það hafa verið miklar annir víða, m.a. hér, og því ekki mikill tími til þess að sinna þessari síðu. En í lok flenskuskots reikaði hugurinn aftur hingað og því tilraun gerð til að bæta hér einhverju við til að sjá hvort síðan virkar enn.

 

Sunnudagur 4. apríl 2009:
Ausið úr úthafinu

Að hlusta á ýmsa þessa dagana og lesa það sem þeir skrifa er eins og að horfa á mann sem skríður fjórum fótum í flæðarmálinu og segist þurfa að ausa úthafið þurrt til að komast yfir djúpið.

Sunnudagur 22. mars 2009:
Borið í bakkafullan lækinn

Þótt ég hafi ekki átt við þessa síðu í ríflega hálft ár og sjálfsagt fáir saknað þess, enda af nægu að taka í yfirorðfullum bloggheimum, drep ég hér niður lykli mér til hugfróunar í einskærri gleði yfir fallegu veðri og fögru mannlífi.

Mánudagur 28. júlí 2008:
Hnífsdalur og Skutulsfjörður séðir af Sléttu í Jökulfjörðum

Litir náttúrunnar heilluðu ljósmyndara sem voru á ferð um Strandir og við Djúp fyrir nokkru. Meðfylgjandi er mynd sem tekin er á gönguleiðinni frá Aðalvík til Hesteyrar, nánar tiltekið af Sléttu. Sjórinn var óvenjublár þennan dag. Fyrir miðri mynd má sjá hvlíta bletti sem er byggðin á eyrinni á Ísafirði.

Mánudagur 28. júlí 2008:
Jökulfirðir og Drangajökull gnæfir yfir

Drangajökull gnæfði í allri sinni dýrð yfir botni Jökulfjarða (Leirufjarðar og Hrafnsfjarðar).

 

 

 

 

 

 

 

 

 

 

 

Sunnudagur 27. júlí 2008:
Fór á Drottningu - Stóra-Kóngsfell bíður

Í gær ákváðum við að skella okkur í stutta fjallgöngu. Ætlunin var að ganga á Stóra-Kóngsfell við Bjáfjallaveginn. Ég var búinn að fara oft á skíði í Bláfjöllum áður en ég áttaði mig á þessum náttúruundrum. Miðja vegu milli skíðasvæðisins og gatnamótanna þar sem Bláfjallavegur skiptist og önnur leið liggur í átt að Hafnarfirði og hin að Vesturlandsvegi er Eldborg, gígur og gjá sem hraun hefur runnið eftir. Ekkert síðra en Kerið á að líta, fyrir utan að ekkert vatn er í botninum. Þar rétt hjá er Drottning í um 500 metra hæð og aðeins vestar er Stóra-Kóngsfellið, aðeins hærra. Nokkru vestar eru Þríhnjúkar, en í einum þeirra er mikill gígur eða öllu heldur hellir, sem menn hafa sigið niður í og fundið út að Hallgrímskirkja gæti komist þar fyrir. Ég átti eftir að ganga á Drottningu og Stóra-Kóngsfell og var ætlunin að ganga á hið síðara, en einhvern veginn varð misskilningur á milli okkar þannig að forystusauðurinn var kominn upp í miðja Drottningu á meðan fararstjórinn var að stilla GPS-tækið! Þess vegna var látið duga að fara á Drottninguna (varla klukkustundarganga upp og síðan hringinn í kringum fellið), enda farið að kula og þokuslæðingur efst yfir Bláfjöllunum þótt bjart og hlýtt væri yfir höfuðborgarsvæðinu. Víst er að útsýni yfir svæðið og Faxaflóa allan er frábært - einkum ef maður kemst á Kónginn.

Fimmtudagur 24. júlí 2008:
Fótboltamót á Ísafirði - ekkert sérlega bangsalegir boltakarlar ...

Ég dvaldi um daginn á Ísafirði og gekk á fjöll auk þess að spila fótbolta. Þetta var frábær ferð þótt varla sé í frásögur færandi. Engan sjá ég hvítabjörninn þótt rýnt væri í skaflana þegar gengið var á Hornströndum úr Aðalvík yfir á Hesteyri. Ekki heldur þegar gengið var úr Seljalandsdal inn af Ísafirði yfir Kistufell og ofan í Bolungarvík. Þeir voru heldur ekkert sérstaklega bangsalegir á fótboltavellinum á Ísafirði sem ég lék mér við þegar ég var lítill - og líka um daginn, sbr. meðf:


Hlíðarvegspúkar – bláliðarnir
Efri röð frá vinstri : Pálmi Gunnarsson, Guðjón Elí Sturluson, Eiríkur Böðvarsson, Þorsteinn Jóhannesson (var óvart seldur til gráa liðsins í byrjun móts) Stefán Jóhann Stefánsson og Sveinn Arnarsson. Neðri röð frá vinstri: Ásberg Pétursson, Gunnar Sigurjónsson, Hreiðar Sigtryggson, Jóhann Guðmundsson og Jón Þór Ágústsson. Á myndina vantar Jóhann Torfason, Magnús Jóhannesson, Gunnar Torfason, Odd Jónsson og Rúnar Eyjólfsson. Fyrirliði var Hreiðar Sigtryggsson og liðsstjórar þeir Jóhann Torfason og Gunnar Sigurjónsson. (Af lítillæti skal þess getið hér innan sviga að Stefán Jóhann Stefánsson var valinn maður, þ.e. púki, mótsins!)

 

(Efst á síðu)

Eldra forsíðuefni

    Hit Counter
     
 

Stefán Jóhann Stefánsson,  netfang: stefan.johann@islandia.is, sími 895-0532

     
Greinar
Ræður
Málefni
Áhugavert efni
Senda póst til SJS

Eldri forsíðupistlar

 

Ástandið batnað?
Jú, eitthvað hefur þetta nú skánað hér á landi. Atvinna að aukast, skuldamálin eitthvað að lagast, en uppgjörið við hrunið heldur áfram af fullum þunga hjá sumum. Líklega eru þó flestir farnir að huga að öðru.


Undarlegur vetur (2009-2009):
Atburðir sem átt hafa sér stað í vetur munu setja mark sitt á þjóðina næstu árin og áratugina. Því er ekki óeðlilegt að rætur atburðanna og þar með saga liðinna ára sé skoðuð af yfirvegun. Sú hætta er náttúrulega ávallt fyrir hendi að hin almenna sagan sé skráð út frá sjónarhóli tiltekinnar sögu þeirra sem skrásetja. Því þarf að gera kröfu um fagleg vinnubrögð og fjölbreytt sjónarhorn.